يا ربنا شو كبير!
وما ساعتك دني
والكون شو زغير
على قلبك
يا إنسان بتعرف
هالشفي الضرير
إديش حبّك
وقت البقول كون
كل شي بيكون
وتا يقوم اليعازر
كل شي بيهون
قيامتو بطولي
وبتبقى خجولي
والكون مرهون
وملبّك
الكون شو زغير
على قلبك
صرلك عصور سهران
عالأرض عالإنسان
وشربت كاس الموت
وقلبك محبي ملان
هالكاس جبلنا الأمان
على قلوبنا
والنور على عيونا
والطهر على قلوبنا
وكنت عم تنشر الحنان
عا قلب قسيان
ورضيت بحكم إنسان
ومتل كأنو صار ربّك
الكون شو زغير
على قلبك
قبل ما تبلش بالرسالي
تأملت وبقيت لحالي
لشو هالمسرحيي؟
تا يجي هالمجنون
ويهرب عا جبل زيتون
ويصلّي…
ولشو هالحكايي
تا يجي مرهون
بالخوف معجون
ويقلّّي…
لازم حب
لازم موت
وإمشي الدرب
وإقدر فوت
عا سما صافيي
عا سما عاليي
تا شوفو قبالي
بعد كل شي صار
صرت محتار
لأنّو قال :
متلو فيي صير
شو هالمّوال
صدى بدّو يطير
وشو فيي إخدمو
إبن مريم
إزا بولادتو
كان فقير
وعاش بتعتير
وحط عرش السما
قبالي
وقلّّي علّي وتأله
ومتلي خلاق
نور مجهجه
يلف الكون
ويتنهنه
بدّو ياني عا صورتو
وشاركو نتفي بخواتو
ومفكرني مش عارف
أعمى ملبّك
مش شايف
وين العْلّّة ومشكلتو
مشكلتو إنو محتار
وبينقلي خبار خبار
وبيقلّي أوعا تنهار
وكل اللفيي بحطّو فيك
فخر… وعز …
قوة… ومجد…
وقوتك ما في إلها حد
ومن طفل زغيّر بتغار
العندو كلمي
وما عندك
ومن عصرين
عا هالأرض
عملتلك هوني كزدار
حتى تقولا للكلمي
ما أحلاها هالكلمي
الكلمي العاشت بهالقلب
الكلمي الندهت يا إمي