شو بدك تحكي عنُّن
بلادُن
عا فراش الموت
بتنازع
وشعبن ضاع
شعبن جاع
وهني
متل الغم حدِّن
شو بدك تؤول عنن؟
شو بؤول؟
تجار هيكل
وين السوط؟
كرباج يعلِّم
على جِسمُن
على ضَهرِن
شو بؤول عنن؟
كمشة حِئِد
كمشة بغض
لازملهن تِلئيح
جيب الطعم
ولئّحِن
تلئيح لبناني
طُعم ضد الخياني
طُعم من عنّا
طُعم كرامي
شغلي تميني
متلها ما عندن
شو بؤول عنن؟؟
خواريف ورا راعي
والراعي غريب
وفي كلب
عا الدرب بِدِلٌُّن
شو بتحكي عن وطن
حكّامو مش لِنا
حكّامو لِهُن.
جيب الطعم ولَئّحُن
شو بؤول عنن
الطمع لاحِؤن