حلمتك بنومي
وكان لْ حِلم حِلم
بزمن كنفشي
كتر فيه دْ دجل
وقلّو فيه زْ زلم
كنا بزمن
فلاح بينكش تِلم
صرنا بْ وقت
لْ مرا ببيتها
فاتحا حرب
عياط وصريخ
تدفيش وضرب
بعيلي بدّك توقِف حرب
وحكومي بين خي وخي
بتعمِل سلم
صار لْ بيّ ببيتو
برواز
لْ ام آكلتها لْ غبرا
متل لوح قزاز
لْ خي بيندفن خيو
لا بيحضر صلا
ولا بيحضر جْ جناز
وِل أخت لا لِها فرح
ولا لِها جهاز
ولْ بنت ناطرا لْ عريس
تعليقا
تهشل من لْ عيلي
ولو بلا جواز
ضْ ضحك داير
سْ سَكَر داير
جْ جَهِل آكل بلادنا
لْ عهر عما ولادنا
ولك لْ عمى
شو تْ تدمّرو عيالنا
زمن قلّو فيه زْ زلم
جْ جهل عمّر مملكي
وشْ شحادي شهادي
صارت فَنْ
بأعظم لْ مدارس
صارت لْ منهج
وصفِّت عِلم