حبيبة قلبي .. اللي كمشتها بإيدي
ونزلتها عالأرض من عند الملايكي
واتفقنا مع بعض إنو إزا صار عمرنا
150 سنة ما منتجوز إلا بعض
سألتني إزا تجوزنا وصار عن
شو بتحّس ؟ وكيف بتوصف الخبرية؟
بالأوضا المعتّمي السودا
عا فرشة الحرير
شايف غشاشي
شقفي من الضّو
عا فراشي
ونقطة العتمي
تصرخ إلي
رجاع …
مشتاقا
قشاع …
كتير مشتاقا
لبوساتك ولمساتك
العلى جسمي بعدا
تنوّر الظلمي
غمرني …
بشفافك احملني
وخلّي الشفّي
توجع من الشفّي
تعا.. يا نور قلبي
كلمة آه
من ضلوعي سمعا
منك بطلب سما
غنجا بالوما
وزيّنا بنجمي
وعيش معا الزكرى
الفيها بنتعش بكرا
هات شقفي
زْرَعا بالمخفي
قبل ما تنهنه الشفي
عطيني سما
مزيّني بكلمي
بعد 9 شهور
تبكي … توجع
تصرخ … تقول
يا إمي
وصار النور
يخلق نور
وأنا مخربط ومغمور
بجسم مرمر
بجسد من بخور
صرت إعلا ودور
حول الأرض
لآخر دني
بعد الكون
البلا شمس
شمسو حدّي
شمسو هون
عطيني همس
عطيني لمس
خلقلي آه
غير هالآه
عطيني بعد
زرعلي ورد
وبلا وعد
دخلك ولو
تفاحة الجنّي
شعت ضوّ
يا حبيب العمر
صرت جوا
عم تكبر
وحلمي يصير
متلك أمير
يصير قدامي
يا حلا أحلامي
يزّين دنيتي
يا حبيب عمري
وكل إيامي
جيتي تقولي
صرت فيي
جُوَا… متل غنيي
بشعر فيك يوميي
وكل يوم بصّلي
اللي خلق آدم وحوا
وجسّدك جُوا
يحرس اللي ضوّا
بنورو عليي
سألتها وتمنيت
ضل وحدي بقلبها
سألتها وحسّيت
أنو حدا تاني
تربّع بقلبها
سألتها وجنيت
لمّا عرفت
وما قدرت
إلا قول نبقى سوا
ملاكها وأنا
بفكرها بقلبها بكلًلها
برّا وجوّا
وصرت حس
إنو رح يصير
فرح عمرا
إياما وضوّا
فرحت وحزنت
وشو دْمَعِت وتلبكت
وقت قالت بحبّو
أكتر منك ومنّي
هوّي لحياتي الجنّّي
اللي شال منّا
ألف أنّي وأنّي
اللي عايش معي
بياكل معي
ويدمع من مدمعي
بزعل… بيزعل
بيبكي من غير وعي
صرت قول
هوّي أنا وأنا هوّي
وإنتا السَبَبْ
أنا هوّي وهوّي إنت
وما في عَجَبْ
يا حبيبي إنتا أنا
وبعمري كل الهنا
منك إنت …
شو حلو هالمّنك ومنّّّي