مين رح يحاسب مين
وكيف بكون الحساب
شياطين بتمضي
على شياطين
وشعب عريان
بلا تياب.
عهد من المهد للحد
يمكن فِشل
يمكن خان
يمكن سكِت
يمكن صان
يمكن مضي
يمكن وعي
يمكن تعب
ما كل الشعب
صار تعبان.
الحاكم غفي
سكت ورجع غاب
صار تعبان
والحاكم كمان
نعم كمان تعبان
تعبان من اللم
تعبان من الضم
تعبان من الكم.
استقيلو
يا وزرا ونواب
ما اصلاً
الحكم مستقيل
حكم عريان
بلا تياب
بيروت
إم الدني
لا تحزني
ولادك رجال
بكرا الحكام بِروحو
بيتفرقو عا شط
بعد موجة
بكرا الكفار بينزلو
وبتوضح القصة
كل يوم الن حجة
بكرا الزمن
بيجمعن بِقجة
وعا مزبلة الزمن
بينمضى إسمن.
هيدي بيروت
وآخ يا بيروت
يا شهيدة المدن
ويا سواد العواصم