وبِسأَلْ!
شو صار؟
هيدا هوّي لْ بَلد
هيك ربيّنا لْ وَلَد
شو صار؟
حزب بِسِّب بْ تًاني
ناس جوعاني
حزب معو لْ حَأْ
وحزب خارب وطن
وِلْ كل حالتو خِرباني
وكل ريِّس
صار سمسار
شو صار؟
ناس مْشَرْحَطا
نايمي عَ طِرءَات
طفال جوعاني
ولاد برداني
بْ جْليد حِفياني
بتبرم عَ لِئمة أكل
بْ زّبالي داير ما دار
شو صار؟
لْ بَلَد مِنهار
وِلْ غَلَط هوّي
عاصمتنا دمار
وبين شّعِبْ
وِسّاسي
عم تِكبر لْ هُوّي
سياسي وِئِح
شَكْلو تِنِحْ
حَؤو ئِرِشْ
بياكل ئِرِشْ
برّا بْسَين
وجّوا
عَ طِّفل مِغوار
شو صار؟
لْ بلد كتب وْصِيتو
وْحَأ لْ بلد
سياسي وَصيتو
نحن ربينا عَلْ فخِر
إنتو عا شو ربيتو
واحد لاحِئ زعيم
وواحد لاحِئ رئيس
وواحد لاحِئ وزير
وواحد بدو نيابي
وواحد لاحِئ وِزارا
يا حيف
شو رخيص
كل واحد منن
لابسو لِلْ عار
شو صار؟
أنا لْ فقير
عيشتي تعتبر
بِبكي
ما في دموع
بشكي
كتير موجوع
أنا لْ مواطن
تعبان، جوعان
ومسؤول بلادي
جربوع
بلد لْ أرز
مكسور
وشعبو
عاش لْ إنكسار
شو صار؟
أنا بئِلكن
شو صار
انصلب لبنان
بين لصيَن
لِصْ سًياسي
ولص تِّجارا
وحربة لْ إقطاع
تغّير لونها
كانت بْلَون
وصارت بْلَون
وذات لْ آفيي
افتكرناها لْ مارد
جابت الحرّبي
وْسَلًطِت لْ جاحد
هيدا زغير
بين لْ زغار
هيدا لْ مَرَض
وهيك صار
لا بَأَا تسأل
شو صار؟