بعز دين البرد
وبالليل
وكانت نجوم السما شاهد،
جسمين بعز العتم مكشوفة
سَألتو يا حبيب القلب والعين،
صَوبك ليش ملهوفة،
جسمي انخطف،
دغري انكشف،
وراح الخجل
وقت النوّرو كفوفي.
جسمك من دون خجل مكشوف،
وقريت عليه كل فاصلة ونقطة،
ليش بتضلّك مخجول
تكشفو لقلبك
وتكشفو لفكرك،
هالقد جسمك رخيص
ما بيقبل الجسم مكشوف
قلبك مسكّر وسرارك مخبّى،
يا بتنكشف جسم وقلب وفكر
او زواجنا ما بيتحقق،
قالو بالكنيسة
رح نكون جسم واحد
كيف ممكن نصير!!!
وبين قلبك وقلبي سفر سنة،
يا كلّك بتبقى معي بالليل
وكلي الك،
يما بشي قرنه
خبي مشاكلك فيها
وتعى على قرنتي
وشوف حالك
بلّشو سهرتن جسمين
وانتهى الليل
وعلى تختن خيالين