كرمالن هالحرفين بيصير في تضحيات، جرائم، واوقات حروب
الحب في زمن الذكاء الاصطناعي.
السؤال دايمًا، بتحبني؟؟؟
في اجوبة كتيرة على هيدا التساؤل، لكن هل الأجوبة كافية؟؟؟
المرأة متل الوردة، والرجال متل الشوكة، لكن بزمن الذكاء الاصطناعي وصف الحب صاير أفلاطوني ومش واقعي، شو يعني بحب؟؟
كلمة من حرفين ح و ب،
اوف، جد اوف،
كرمالن هالحرفين بيصير في تضحيات، جرائم، واوقات حروب،
لكن هل فعلا كرمال هالحرفين عم بيصير كل هيدا؟
الحب هو إطلاق الشخص الآخر في فضاءات الحرية، الحب مش تملك بل عطاء، ومش حروب بل سلام وتضحية، إذا اللي عم بيصير مش من اجل الحب من أجل انانية الشخص اللي عم بقول “بحب”
الحب بزمن الذكاء الاصطناعي، نار ما حدا عارف مين ولعها واكيد مش عارف مين رح يطفيها…
أنا وأعوذ بالله من كلمة أنا، حبيت بكل العصور، من العصور ما قبل الحجري وصولا الي عصر الذكاء الاصطناعي،
لكن ولا مرة كنت عم حب صح،
ليش لأنو الانسان غير كامل ووعيو ناقص، ناقص كتير، كرمال هيك ما منحب صح، بس لو في عنا ذرة فكرة ناضج، ما منحمّل الحب كل مساوئنا ومنتهم الاخر فيها.
حبنا الناقص بحاول يكمّل نقص مفهومنا للآخر…
في زمن الذكاء الاصطناعي ، ما عدنا نعرف على اية بلاتفورم لازم نحب…
خدوها من واحد ناقص، حب ببساطة والا رح تخسر.