حلمتك بنومي

وكان لْ حِلم حِلم

بزمن كنفشي

كتر فيه دْ دجل

وقلّو فيه زْ زلم

كنا بزمن

فلاح بينكش تِلم

صرنا بْ وقت

لْ مرا ببيتها

فاتحا حرب

عياط وصريخ

تدفيش وضرب

بعيلي بدّك توقِف حرب

وحكومي بين خي …

شو بدك تحكي عنُّن

بلادُن

عا فراش الموت

بتنازع

وشعبن ضاع

شعبن جاع

وهني

متل الغم حدِّن

شو بدك تؤول عنن؟

شو بؤول؟

تجار هيكل

وين السوط؟

كرباج يعلِّم

على جِسمُن

على ضَهرِن

شو بؤول عنن؟

كمشة حِئِد

كمشة بغض…

بعز دين البرد

وبالليل

وكانت نجوم السما شاهد،

جسمين بعز العتم مكشوفة

سَألتو يا حبيب القلب والعين،

صَوبك ليش ملهوفة،

جسمي انخطف،

دغري انكشف،

وراح الخجل

وقت النوّرو كفوفي.

جسمك من دون خجل مكشوف،

وقريت عليه كل فاصلة ونقطة،

ليش …

يا ريت قدرت اسرقو

اسرُق السهل والزنبق

ضبن، اعصرن وْشِدْ

بدل ما الساسة تِحِرقو

ويرسمو طريقو دبق

ساسة تسرق الناس وتعد

يا ريت سْرَقت لبنان

ولفيتو بورقة العيد

ولا وِلِعْ الدخان

وحِرْوَق الايد

سْرِِقو وخبّو

سكِتو انضبَو

قربت قيامة اللي …

تَركني القلم بالقهر عَدّي

عِدي يا ليالي الألم عِدّة

بكي ودموع والقهر مْعَدي

بالظلم بين الخروم بَعدي

وقت وجك يبان

مع شمس الصبح

وصبحي شمس حدَي

حدّها بنام صافن زمن

خدي مبلل عالمخدة…

شو بحب حب وحدي

قسم منا بيوصل لألله

وقسم تاني بيوصل

مطرح ما أنا بدي .

يا ريتك تنين

واحد ياخدني عا سما

وواحد ياخدني عا دني

كل الدني

شمعتين

آهين

بدي روح  تخلق روح

بدي جسم مش هالجسم

بدي …

لو بتحبني

كنت متل الله

كنت بتحب الدني

لو بتحبني ؟؟

كنت متل الصلا

متل الشمس بالهفلا

لو بتحبني؟؟

كنت غنيتك غنا

كنت صرت إنتا

وإنتا تجسدت أنا

لو بتحبني…