شعر

شو بحب حب وحدي

قسم منا بيوصل لألله

وقسم تاني بيوصل

مطرح ما أنا بدي .

يا ريتك تنين

واحد ياخدني عا سما

وواحد ياخدني عا دني

كل الدني

شمعتين

آهين

بدي روح  تخلق روح

بدي جسم مش هالجسم

بدي …

لو بتحبني

كنت متل الله

كنت بتحب الدني

لو بتحبني ؟؟

كنت متل الصلا

متل الشمس بالهفلا

لو بتحبني؟؟

كنت غنيتك غنا

كنت صرت إنتا

وإنتا تجسدت أنا

لو بتحبني…

المرا ضحكات

المرا غمزات

المرا لمسات

وآه وأميرا

تاجها شعرات

من خيوط الليل

المرا نهدات

عا فراش سماويي

المرا آيات

بكتب سماويي

المرا كلمات

من شِِِعر

عن شَََعر

تاج عالملكات

شعرك خيوط

من السما نازلي

عليها قديسين

عم تتطلع

وعيونها …

لأ مش إنتي اللي كنت حبّا

وكنت طول الليل برحش بقلبا

                                    لأ مش إنتي

كنتي سفر

كنتي خبر

كنتي قمر

إنتي قصيدي بقلبي كنت ضبّا

                                    لأ مش إنتي

انتي اللي صرتي نهار

وكنتي تلملي خبار

عن كمشة قمار…

طموحي بهالبلد

صير شحّاد

إشحد البسّمي
للطفالا

إشحدلهن تياب جداد

يلبسوها بالبرد

بشهر العياد

صير شحّاد

تا إشحد اللقمي

وياكلو اليتامى

إشحد الكلمي

لبنت حلوي

عايشي بأحلاما

طموحي صير شحاد

تا إشحد رجولي

لزعيم يخلق بطولي

وبعدو الحكي بينعاد

تا …

قالو الضمير

قلت من اللغّّة انسرق

صار يطير

انكب بجهنم واحترق

الزمن بلش يجير

تعبت وتشّّ جسمي

من العرق

قالو الضمير

رَدْ بليس بعرفو

من حدّي مرق

سكتو …

صار الضمير قزاز

فخامتو معتّر

مملكتن بيعتاز

صرخت وين الضمير؟

قالو …

كنت عامل هالقصيدي تا قولا بحفل

توقيع كتاب من دون إسم      

بس قلت بلاها لأنو حاسسا متل

كم واحد سياسي بلا أخلاق

من 13 سنة قرّرت إتركو

لو بتعرفو مين؟

هيدا لبتسمّوه الله

شلت صورتو من الأوضا

لْْتحتها عشر …

وبِسأَلْ!

شو صار؟

هيدا هوّي لْ بَلد

هيك ربيّنا لْ وَلَد

شو صار؟

حزب بِسِّب بْ تًاني

ناس جوعاني

حزب معو لْ حَأْ

وحزب خارب وطن

وِلْ كل حالتو خِرباني

وكل ريِّس

صار سمسار

شو صار؟

ناس مْشَرْحَطا

نايمي عَ …

كِنّا بْزَمَنْ

مَسْكِة شَّعِر انجاز

وِزْعْرَني مسكِة ايد

ونِلحَق لْ بِنت عَلْ بيت

وتِتنَأوَزْ من ورا لِئْزاز

ونعتبر نحنا بضيعتنا

هيدي فرحة العيد.

من كم سنة

صارت بوسِة لْ خَدْ

مسموحا

شرط ما حدا يَعرِفا

وكانت بوسات لْ إيد

ما …

عيش التجربة وِكتسِب خبرا

مِش كِلْ غَمْضة جفن

بتكون نايم

يمكن مْغَمّضْ

ئبال ذِكرا

ومش كل فَتحة جِفِن

بتكون شايف

مفتّح كتير

من دون عِبرا

لْقِصّا مش بِل عين

بس لْ فِكرا

ما تِحكُم من بعيد

عيش تَّجربي

وِكْتِسِبْ خِبرا…